Plantun de Prouvènço

Pèr coumpara dos planto d'encò nostre

Tulipa sylvestris subsp. australis & Sagittaria sagittifolia

Tulipan

Tulipa sylvestris subsp. australis

Liliaceae Liliaceae

Àutri noum : Tulipoun, Toulipan, Talipan.

Noms en français : Tulipe des bois, Tulipe australe.

Descripcioun :
Lou tulipan es uno tulipo fèro jauno que trachis naturalamen dins li tepiero seco e li relarg un pau umide. Flouris tre lou mes de mars fin qu'en jun. Aquesto subsp. fai 2 à 3 fueio (uno souleto encò la subsp. australis) e si tepalo soun un pau roujo sus lou deforo (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 60 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Tulipa
Famiho : Liliaceae
Famiho classico : Liliaceae

Ordre : Liliales

Coulour de la flour : Jauno
Petalo : 6
Ø (o loungour) flour : 2 à 3 cm
Flourido : Printèms

Sòu : Ca
Autour basso e auto : 0 à 2300 m
Aparado : Noun
Mars à jun

Liò : Tepiero seco - Garrigo - Prado umido - Bos fres
Estànci : Termoumediterran à Subaupen
Couroulougi : Eurimediterrano
Ref. sc. : Tulipa sylvestris subsp. australis (Link) Pamp., 1914

Flècho-d'aigo

Sagittaria sagittifolia

Alismataceae

Noms en français : Sagittaire, Flèche-d'eau.

Descripcioun :
La flècho-d'aigo es uno planto proun raro au nostre au contro de l'uba de l'Éuropo. Trachis dins quàuqui relarg bagna de Prouvènço dóu couchant. Es uno planto eisado de recounèisse emé si fueio en flècho ; soun li fueio dins l'èr. Fai peréu de fueio longo en riban que pousson dins l'aigo (fueio primàri). Li flour soun poulideto, femello en bas e masclo en aut de l'enflourejado.

Usanço :
Lou rizoumo èi manjadis (crus o cue), s'acampo à l'autouno (mai pas encò nostre que n'i'a gaire !). Dins d'ùni païs s'en fai de galeto emé la feculo. Lis indian d'Americo quichavon li rizoumo fres emé d'aigo e piéi criblavon tout acò pèr leva li fibro.